Aaj Kal meri zindagi bahut uljhi huyi hai ... socha aap logon se baat karke mann halka ho jayega. Par pata nahin aisa kyun ho raha hai mere saath ... Mr. Kapoor ke saath ... yeh koi gehri saazish hai ... kayi raaz chupe hain ... par hamari shaadi ko kaun nuksaan pahuchana chahega? Yeh gutthiyan toh ulajhti hi ja rahi hain!
Jabse Mr. Kapoor aur maine shaadi shuda zindagi bitani shuru ki ... tab se pata nahin Kapoor parivaar mein ek ajeeb hulchul si mach gayi hai ...
Hamari nazdeekiyan badhti rahi par iss ghar ke logoan mein jaisey ek bechaini si badhne lagi hai. Aur mujhe pata bhi nahin chal raha hai kyun??
Natasha ghar laut aayi, aur uske chehre par itne marks the ... thappad ke ... aur mujhe bataya gaya ke Kartik ne yeh sab kiya. Ram aur main Kartik ke ghar pahunche aur waha par hairaan thhe ke police ne papa, mamma aur Kartik ko jail main band kar diya tha. Ram ne mamma aur papa ko toh bail dilwa di par Kartik ko nahin ...
Kartik kehta gaya ki usne Nuts ko nahin maara par uska kisine yakeen nahin kiya. Phir maine Kartik ki bail karwaayi ... Mr. Kapoor aur Niharika ma ke khilaaf jaakar. Mujhe pata tha ke main Mr. Kapoor ko naraaz kar rahi hoon, par ek behen hone ke naate mainey apne bhai ko ek mauka dena zaroori samjha. Ghar lauti to Niharika ma ke taane sune, Ram ki naraazgi sahi par maine Mr. Kapoor ko convince kar diya ke woh ek baar Kartik ko milein. Par jaise hi cheezen sulajhti dikheen, waise hi Nuts ne apni kalaayi kaat li ... aur usse hospital le jaana pada. Sirf yeh sunkar ki Ram Kartik se baat karne ja rahe hain, Nuts ne itna bada kadam uthaya, apni zindagi daav par laga di! Kaisi paagal ladki hai ... Kartik hospital pahuncha aur Natasha ko samjhane ki koshish ki aur hairaani ki baat yeh thi ki woh samajh bhi gayi. Main kitni khush thi ke Kartik aur Nuts ke beech galat fehmiyan door ho gayi par aisa nahin tha ... Ek aur saazish ne meri ummeedon ko choor choor kar diya i ne saazish ki aur Nuts kidnap ho gayi ... Iss baar Mr. Kapoor ne saara ilzaam mere bhai par hi daal diya.
Par hospital main, Nuts ne mujhe aisi sacchai batayi ke mere paanv taley ki zameen khisak gayi. I can’t believe ki Niharika ne Nuts ko itna maara aur iss saazish ka mohra banaya ... par kyun?? Niharika aakhir chahti kya hai?
Niharika se baat karne ki maine thaan li aur unhone mujhe saaf saaf lafzon main bataya ke main Mr. Kapoor se rishta tod doon, yeh ghar chodd doon ... kyunki unhe agar problem hai to mujhse hai ... yeh saara ganda khel Niharika ne khela tha taaki main iss ghar se chali jaoon.
Uffff yeh mamla to aur ulajhta jaa raha hai, aur meri samajh main kuch nahin aa raha. Vikram ki madad se maine Kishuji ko Sydney se bulaya aur unhone bataya ke Niharika bahut hi khatarnak aurat hai. Barson pehle unhone Kishuji ka rehna itna muhkil kar diya thaa ke unhe yeh ghar chodd kar jaana hi pada tha. Par jaate jaate unhone mujhe ek naam de diya ... Jayesh Karekar ... jo mere har sawaal ka jawab de sakte hain ... Niharika ke saare raazon par se sirf yehi ek aadmi purdah hataa sakte hain.
Vikram aur maine Jayesh ko phone karne ki koshish ki, par jaise hi maine apna naam Priya Ram Kapoor bataya, unhone ghar chod diya ... kyun?
Bhagwan ko meri madad karni hi padegi ... Jayesh tak pahunchne ke liye. Apni shaadi bachane ke liye mera Jayesh se milna bahut zaroori hai ... bas uss waqt ka intezaar hai!
Aap sab dua kijiye ke mere pati safe rahein, mera ghar bana rahe ... main aapse baat karne ke liye phir lautoongi ...

Ab toh main aap logon ko sorry bhi nahin bol sakti.... I know I haven’t been in touch, but ever since the we have returned from the honeymoon in Sydney my life has changed quite a bit. Pehle Apeksha aur Mr. Kapoor ko ek saath dekhna phir unki maa ki sacchai tak pahuchna ... par yeh safar Mr. Kapoor ke saath tay karna accha lag raha hai ... lagta hai mujhe pyaar ho gaya hai ... Mr. Kapoor aur main kareeb aa rahe hain ... har waqt, har pal nazdeekiyaan badhtee jaa rahi hain ... ek ajeeb sa ehsaas hai ... pehle main sochtee thi ki yeh ehsaas sirf mujhe ho rahaa hai par ab lagta hai ke Mr. Kapoor bhi mujhse judte jaa rahe hain ... aur iss baat ka ehsaas mujhe tab hua jab woh meri khatir apne aap ko badalne lage ... apne lifestyle main changes laane lagey. But I must admit I was feeling very guilty when I tried to change his lifestyle ... jab Mr. Kapoor ko chest pain hua toh mujhe laga ki yeh sab mere kaaran hi ho raha hai. Kisi tarah Mr. Kapoor ko convince kiya tests karvaane ke liye ... aur unke saath har ek test maine bhi liya ...

Life bhi kitni ajeeb hoti hai na ! Sabhi ne socha ke Mr. Kapoor ke reports mein koi problem hogi but thank god, unki reports normal thi. Aur problem mere report mein nikli ... Doctor ne kaha hai ki mere breast main ek lump hai jo cancerous ho sakta hai. Mujhe biopsy ke liye jaana hai to confirm ki yeh reports sahi hain ya nahi ... saat dino main mujhe pataa chal jaayega ki mujhe cancer hai ya nahi ... jee haan ... shayad mujhe cancer hai. Yeh accept karna mere liye mushkil tha par mujhse kayi zyaada mushkil Mr. Kapoor ke liye tha. Maine Mr. Kapoor se promise liya hai ke woh ghar mein kisi ko nahi bataayenge meri sehat ke bare mein.

Yeh saat din main bharpoor jeena chaahti hoon ... Mr. Kapoor ke saath … Bhagwan ko jo bhi manzoor ho, par yeh saat din main poori tarah se jeena chahti hoon - har ek pal, har ek lamha, aise jeena chaahti hoon jaise yeh mera aakhri din hai ... Mr. Kapoor ne mujhe promise kiya hai ke woh mera saath dengey. Maine unhe saat wishes batayeen hain jo unhe inn saat dino mein poori karni hain. 1st wish – he has to surprise me … and you know Mr. Kapoor ne aaj poora din laga diya mujhe surprise karne mein. Sabse pehle toh unhone apna wardrobe badla, phir mere peeche peeche sabziyaan khareedney aaye, aur phir unhone sabziyon ki thaili bhi uthayi ... can you believe that? Par har baar maine aise behave kiya ki mujhe koi surprise nahi hua ... hahahaha. Bechaarey Mr. Kapoor ! he did not give up ... woh koshishein karte rahe poora din, unhone haar nahi maani par maine bhi apni feelings zaahir nahi honey di. It was so sweet !!! Raat ko toh unhone hadh hi kar dee - unhone Rishabh ke saath pakode banaye ... I was so touched!!!! Par main toh phir bhi nahi maani ... Mr. Kapoor koshish karte rahe aur main unhe kehti gayi ke I am not surprised. Phir unhone mujhe paan khilaya - mera favourite magayee paan ... I finally had to accept that I was indeed surprised by each & every effort he had put. Par yeh dil kitna greedy hai na ! hamesha zyaada ki khwaaish karta hai … mann kar raha tha ke Mr. Kapoor mere liye kuchh na kuchh karte rahein aur Mr. Kapoor ne bhi admit kiya ki mujhe surprise karne main bhi unhe bahut mazaa aaya.

Aur ab main unhe apni baaki ki wishes batoongi ... aap bhi dekhte rehna ki Mr. Kapoor mere wishes poora kar payenge ya nahi !

Lekin mujhe aisa lagta hai ke Mr. Kapoor kar payenge, kyunki unke liye mujhse zyaada aur kuchh maayney nahi rakhtaa ... aur mere liye bhi unke saath se zyaada aur kuchh zaroori nahin hain ! Shayad yeh pyaar mujhe zindagi bhar naseeb ho, ya shayad sirf saat din ... yeh toh sirf saatvaan din batayega !        

Pata hai main aapko main itne dino baad aapko kyun likh rahi hoon?? kyuni main India main nahin, Australia main hoon...honeymoon par!!!!!! I know I know aap sab chaunk gaye honge ki  Mr. Kapoor aur main honeymoon par kaise aa gaye! Par yeh sach hai ... Diwali party ke baad jab Ashwin ne poore parivaar ke saamne mujhe badnaam karne ki koshish ki, tab Mr. Kapoor ne mere liye jo bhi kiya, I can’t ever forget it. Aur waise bhi Mr. Kapoor ne ek accha insaan hone ka saboot mujhe baar baar diya hai. Shayad isi liye kuch dinon se Mr. Kapoor ki saari irritating aadatein ab mujhe utni buree nahi lagtee … shayad Mr. Kapoor ki aadat hoti ja rahi hain mujhe!  

Bas us incident ke baad Dadi ne zabardasti hamari honeymoon ki tickets book kara di. Iss baar koi bahana bhi nahin chala, aur hamein hamare parivaaron ki khushi ke liye yeh faisla accept karna hi pada.

Itni lambi flight ke baad jab hum pahunche to Mr. Kapoor Sydney airport par hamaarey driver ko dhoondne ke liye mujhe akela chod gaye ... main kitna ghabra gayi thi! Maine toh unko daant bhi diya ki anjaan des mein koi apni biwi ko yoon akela chhodkar chala jaata hai bhala.
Aur jawaab mein Mr. Kapoor ne jab kahaa ki unke alawa mujhe aur koi jhel nahin sakta, mujhe pehle toh bahut gussa aaya but fir socha ki kaash mujhe saari zindagi wahi jheltey rahein.

Hum drive kartey huey Sydney Cricket Ground pahunche aur wahan par Mr. Kapoor ki masoomiyat dekhte ban ti thi. Like all men he too went crazy about cricket aur mujhe unko wahaan se ghaseet kar hotel le jaana padaa. Phir Mr. Kapoor picked up the wrong bag aur mere paas apne koi kapde bhi  nahin they except for those nighties jo maa ne Mr. Kapoor ke bag me rakh diye they. Maa se toh India jaa kar nipat loongi but uss waqt I had no option but to wear that red nighty kyunki mere kapdon main se coffee ki smell aa rahi thi ... I just couldn’t bear it. I was feeling so embarrassed ki Mr. Kapoor se nazrein bhi mila nahi paa rahi thi and to top it humein yeh pata chala ki poorey honeymoon mein hum dono ko ek single bed share karna padega. Itni hichkichaahat pehle kabhi mehsoos nahi huyi ... par we accepted it ... kyunki ab Mr. Kapoor ke saath compromise karna bhi accha lagta hai!!!

Agle din Daljeet aur Kuljeet ne hamare liye Sydney darshan ka intezaam kiya ... hum opera house gaye ... bahut accha laga, unka talent dekh kar. Mr. Kapoor aur meri toh as usual ladaai bhi ho gayi opera play ko lekar... hahaha.

Agle din hum Vidya Balan aur Emraan Hashmi se miley jo hamaare hotel me hi thehrey thhey. Mr. Kapoor jab mujhe Vidya Balan samajhkar tareefon ke pull baandh rahey thhey tab mujhe unki iss ability ka bhi pataa chala. Mujhe dekh kar unka dil toot hi gaya … tch tch. Party mein Vidya ne mujhe sab ke saamne apni dance partner banaya ... I was so excited but so nervous all the same. Uspar Mr. Kapoor ne yeh bhi keh diya ki ‘Priya please don’t make a fool of me and yourself on stage with Vidya’. Bahut mazaa aaya Vidya ke saath “ooh la la” pe dance karne mein.

Kal jab India se mummyji ki tabeeyat kharaab honey ki khabar aayi toh main ghabra gayi thi, aur hum immediately waapis jaaney ki tayyari karne lagey. But phir e kaur phone call aaya ki who bilkul theek hain aur humein India aaney ki koi zaroorat nahi.
Well on that note, I would like to say good bye! Waise bhi  mujhe neend aa rahi hai. Lekin pehle Maa se baatein kar leti hoon. Sydney main 1 am hai toh Mumbai main 7.30 pm ... good idea … Maa ko phone lagatee hoon !