Itna kuch ho raha hai meri zindagi mein... kya  kahoon.

Iss bachche ke aane ki khushi ne meri zindagi ka har sapna jaise pura kar diya. Uske aane se mera parivaar pura ho jayega. Yeh dono bachche life kitni sorted rakhte hain. Jaise uss din Mr. Kapoor ne mujhe apney bachchey ke liye khaana khane ko kaha aur isee bahane unsey kaafi baatein bhi hui. Thodi tension dissolve hui.

I think, yeh jo tension hai … ya thi, mere aur Mr. Kapoor ke beech, woh bhi mere mood swings ki wajah se thodi zyaada stretch ho gayi. Lekin issi tension ne mujhe, Mr. Kapoor aur mere banaye hue, successful shaadi ke rules yaad dilaaye. Hassi mazaak mein bane hue woh rules aaj kitne sach aur useful lag rahe hain.

Main toh sab couples se yehi kahoongi ki jhagda kabhi chuppi se nahi suljhata balki ek doosre ke saath baithkar suljhaane se hi solve hota hai. Jahaan conversations hain waha baat bananane ki hamesha gunjaish rehti hai.

 
Aur trust is, the most important thing in a relationship. Aaj Mr. Kapoor aur mere relationship par kiye hue trust ne hi mujhe Esha ko muh-tod jawab dene ka confidence diya.  Uske liye shaayad pyaar selfish hoga par aisa pyaar kahaan tikk paata hai.

Sach hi toh hai, Mr. Kapoor mere dost hain, sabse achche dost. Shaadi, pyaar, dosti, sab kuch unhi se hai.

Jab Pihu ne anniversary wish karne ke liye phone karne ki baat kahi toh mujhe jaise apni bechaini ko dur karne ka raasta mil gaya. Mr. Kapoor ne uska naam rockstar yunhi nahi rakha.

Kabhi sochti hoon to lagta hai, meri perfect family mein mere bachche and pati hi nahi, mere parents bhi utne hi important hain. Aaj Papa ne baat nahi ki hoti toh main khamakhaa sab pe gussa ho jaati. Sach, I am so lucky. Thank You, Bhagwaan ... meri zindagi mein itni khushiyan bharne ke liye. 

Aur who kehte hai naa pyaar agar gehraa ho toh koi bhi toofan usse mita nahi sakta. Mr.Kapoor aur mera rishta bhi kuch aisa hi hai.

Humare is pyaare se rishte ko 6 saal beet gaye. In 6 saalo mein, humare rishte ne bahut se  ups and downs dekhe hain par pyaar sacha ho toh har mushkil waqt bhi khushi se kat jaata hai.

Aaj mein khush hoon kyunki joh insaan mujhe bade ache lagte hai main unke saath hu.

Gaane ka hunar toh bahot logo ke pass hota hai par jis pyaar aur ehsaas se Mr.Kapoor ne mere liye gaana gaaya woh bahut hi khaas tha.

In choti- choti baaton se Mr.Kapoor mujhe dher saari khushiya de jaate hai.

Humara saath humesha aisa hi rahe *touchwood*.   

And I promise, ab main pyaar ke yeh rules kabhi nahi bhooloongi !

Waqt kaise nikal jaata hain. Mumbai, Dubai aur abhi Jaipur. Life ki is bhaag daud mein mujhe apne liye samay nikalne ka moka hi nahi mila.

Par aaj, international women’s day ke din, mujhe kuch waqt mila hai, apne baare mein sochne ka aur apni dairy se baat karne ka. Isliye ab mai apni zindagi ka koi bhi paana khali nahi jaane doongi, aur apna kuch samay apni diary ke saath bitaaungi. Wish you a very happy Women’s Day!

Zindagi ne bhi ajeeb karwat lee hai. Kabhi kabhi zindagi aur halaat kuch aisey decisions leney par majboor kar detey hain jo baad mein galat laggtey hain. Aaj shayad sahi nahin lagta par paanch saal pehle jab maine Dubai jaane ka faisla kiya tha toh mujhe wahi sahi laga tha. Jab maine Mr. Kapoor ko unki beti Pihoo se door rakha toh shayad main galat thi par uss waqt mujhey yehi sahi laga. Pihoo aur mere liye nahi par Mr. Kapoor ke liye. Agar jail se chootkar main Mr. Kapoor ke ghar laut jaati to mujhe jail ki sazaa poori karni padti - 14 years of imprisonment aur Mr. Kapoor kabhi apni zindagi mein aagey nahin badh paatey … kabhi mujhse juda nahin ho paate. Main unhe til-til tadap kar jeete nahi dekh sakti thi. Iss liye jab duniya ne maan liya hain ki accident mein meri maut ho gayi, toh maine iss jhooth ko apni zindagi ka sabse bada sach maan liya. Pihoo ko janam dena aur uski parvarish karna meri zindagi ki sabse badi priority ban gayi. Aur iss sab main Rajat Kapur ... Yes, another Kapur but with a ‘U’ ne meri bahut madad ki. Pata nahin unke financial help or Daija/Kady ke emotional support ke bagair main kaise jee pati. Pehle hi Mr. Kapoor se alag hone ka dukh, aur uss par Pihoo ko Mr. Kapoor se door rakhne ke guilt ! Zindagi mein jo mode miltey gaye ... main unpey chaltee gayi. Par aakhir taqdeer aur bhagwan se nahin jeet paayi.

Mr. Kapoor ko achanak 5 saal baad Dubai main dekhkar main apne aap ko sambhaal nahin paayi. Pihoo aur Mr. Kapoor Dubai main co-incidentally miltey gaye ... roz milte gaye aur main issey nahin rok paayi. Chaahkar bhi nahin … I just couldn’t stop the father & daughter love. Inn 5 saalon mein maine Mr. Kapoor ko har saans mein miss kiya. Agar main bhoolna bhi chahti toh bhool nahi sakti thi … kyunki Pihoo toh unki hi parchayee hai. Wohi aadatein, wohi khaane-peene ka tareeka, wohi gussa, Mr. Kapoor sahi kehte hain ... Pihoo is Mini Me … she is Mr. Kapoor’s Mini Me. Aaloo ke paranthey, chocolate éclair, unki davaiyan khaane ki aadat, unka arrogance, safai ke liye unka junoon. Everything about Pihoo is only Mr. Kapoor.

Party main Mr. Kapoor ko dekhkar maine yeh decide kar liya tha ki main unhey sacchayee bata doongi, ki unki Priya Kapoor zinda hai ... ki unka ek ansh mere paas hai - Pihoo Ram Kapoor. Magar uss party main kuch aisa hua ke mere kadam ruk gaye ... nahee chal paayi main woh do kadam. Kyunki Mr. Kapoor ki doosri shaadi ho chuki hai ... aur who bhi meri behen Ayesha ke saath. I couldn’t believe that Mr. Kapoor ne Ayesha se shaadi kar li thi. Kitney ajeeb hotey hai na rishtey ... main unsey 5 saal tak door rahi kyunki I wanted him to move on, and when he moved on, mujhse bardaasth nahin ho raha tha ... I couldn’t bear the hurt & pain … Mr. Kapoor ki shaadi hi nahin hui thi balki unka ek baccha bhi hai.

Maine us waqt tayy kar liya ki main India aur Mr. Kapoor ki life mein kabhi nahee lautoongi. Par jab kismat yeh chahti thi ke main aur Mr. Kapoor milein to main kaise rok sati thi! Kuch haalaat hi aise ban gaye ke mujhe Mumbai aana padaa ... aur main ussi wedding hall ke bahar thi jahan par kuchh saal pehle Mr. Kapoor aur meri shaadi huyi thi. Yes on our anniversary ... Mr. Kapoor & I met again! Ussi wedding hall mein, aur iss bar Pihoo ke saath. Mr. Kapoor was so shocked ki he just couldn’t handle it & he collapsed.

Mr. Kapoor ko heart attack aa gaya tha aur uski wajah main thi. Agar unhe kucch ho jaata, toh main apne aap ko kabhi bhi maaf nahin kar paatee! Ab maine apni kismet ko Mr. Kapoor ke aagey surrender kar diya tha ... thakk gayi thi ladtey ladtey. Paanch saalon baad main apne parivaar se mili - Papa, Mummy, Kartik, Natasha, Dadi, Mummyji, Vikram & Neha se milee. Ufff ! I can’t explain that feeling ... meeting your loved ones ! Aur itne saal I stayed without them, dil mein itna dard bhara tha. I was longing for their love & affection.

Par mujhse sab naraaz hain ... Papa toh mujhse baat bhi nahee kar rahe they. Aur main Mr. Kapoor ko hosh aaney ka intezaar kar rahi thi ... aur jab unhe hosh aaya, Mr. Kapoor couldn’t forgive me. Woh bahut naraaz hain ... shaayad woh mujhe kabhi maaf nahin kar paaye. Waise galti bhi toh kee hai na maine ! Mr. Kapoor ke gussey se main waqif hoon, par darr lag raha tha ki jab tak unka gussa thandaa ho, bahut der na ho jaaye aur woh aisi koi harqat na kar baithe jiss ka pachtava humein zindagi bhar rahe. Aur afsos … wohi hua hai ! Mr. Kapoor wants the custody of Pihoo. Unhone mujhey ek mahiney ka notice diya hai. Jab tak paper work complete nahin ho jaatey tab tak Pihoo mere saath rahegi ... aur uskey baad … Par main apni galtee ki sazaa apni maasoom bacchii ko nahin doongi. Pihoo ki zindagi mujhse shuru hoti hai aur mujh hi par khatam hoti hai ! Woh kisi aur rishtey ko nahin pehchaantee hai aur naa samajhti hai. Mr. Kapoor apne gussey aur ego mein apni hi beti ki zindagi barbaad karne par tuley hain ... par yeh main honey nahee doongi !

Main inn legal hassles main nahee panda chaahti ... main nahee chahti ke meri beti court kachehri ke chakkaron mein padey ... I don’t want her to have such horrible memories about her mother & father. Par Mr. Kapoor samajhna hee nahi chaahtey. Par main himmat nahin haroongi ! Main Pihoo ko share kar sakti hoon, woh Mr. Kapoor ki beti hai, unka uss par poora haq hai, par he can’t control her all by himself and keep her away from me.

Aaj Mumbai toh laut aayi hoon ... par bahut dukh ho raha hai ki maine Mr. Kapoor ko hurt kiya, apni family ko hurt kiya. Pihoo ko itne rishton se door rakhaa ... unkey pyaar se door rakhaa ! par jaise baaki sab ne mujhe maaf kar diya hai, I am hoping ke Mr. Kapoor bhi mujhe maaf kar dengey !

Jald hi lautoongi ab ! Kyunki I am shifting out of Papa’s house. Neha aur main ab saath rahengey ... haina ajeeb zindagi ... neha aur Vikram ka divorce ho raha hai, aur Mr. Kapoor aur main saath nahee rehtey. Dekhtey hain aur kitne tests leti hi zindagi humaari !